Acabamos de recibir a boa nova da concesión da axuda para a promoción da igualdade entre homes e mulleres e a prevención e loita contra a violencia cara ás mulleres.
O noso expediente resultou valorado con 72 puntos, e a axuda concedida é o total do solicitado, o importe de 2994.30 €, para levar a cabo entre outubro e novembro o Proxecto de formación en igualdade da ANPA Atalia, que contempla faladoiros para as familias, contacontos para Infantil e primeiro ciclo, e charlas para o alumnado de 3º a 6º de Primaria.
A proposta de traballo para o vindeiro curso é unha continuación do proxecto do curso anterior, xa que a acollida foi incrible entre familias, profesorado e alumnado, e polo que queremos darvos as GRAZAS.
Estade atentas á web, a principio de curso informaremos das charlas para familias! Non podedes faltar!
